Tababaraha Bayern ayaa ka hadlaya Waalida Barcelona Halkee ayay ka helaan lacagta

  Lewandowski ayaa Barcelona kaga soo biiray 50 milyan oo euro Tababaraha Bayern Munich Julian Nagelsmann ayaa ka hadlay lacagaha ay Barcelo...

 

Lewandowski ayaa Barcelona kaga soo biiray 50 milyan oo euro

Tababaraha Bayern Munich Julian Nagelsmann ayaa ka hadlay lacagaha ay Barcelona si deeqsinimo ah u kharash garayso inta lagu guda jiro suuqa kala iibsiga xagaagan, inkasta oo kooxda ay haysato dhaqaale xumo.

Hadalka Nagelsmann ayaa yimid ka dib markii Barcelona ay ku dhawaaqday saxiixa Robert Lewandowski oo ka yimid kooxda Bavarian, iyagoo ku beddelay 45 milyan oo Yuuro, marka lagu daro 5 milyan oo kale oo gunno ah.

Tani waxay timid ka dib markii kooxda reer Catalonia ay la soo wareegtay ciyaaryahanka reer Brazil Rafinha Leeds United, 70 milyan oo Yuuro.

Nagelsmann oo ka hadlaya ku biiristii Lewandowski ee Barcelona ayaa yidhi: “Waa kooxda kaliya ee aduunka ee aan lacag haysan, laakiin markaas iibsada dhamaan ciyaartoyda ay doonayso.

"Ma garanayo sida ay u sameeyaan," ayuu u sheegay suxufiyiinta. "Waa wax yar oo yaab leh oo waalan."

Su'aalo ayaa laga keenay dhaqaalaha Barcelona dhawaanahan, gaar ahaan ka dib labadii heshiis ee Rafinha iyo Lewandowski, iyadoo la og yahay in kooxda ay sidoo kale ku soo dartay Frank Kessie iyo Andreas Christensen bilaash.

Barcelona ayaa waxaa soo wajahday dhibaato dhaqaale taas oo ku qasabtay in ay dhimato mushaaraadka inta badan xiddigaheeda,halka kooxda ay qarqeyso deymo gaaraya ilaa 1.3 bilyan oo Yuuro.

Intii lagu jiray xilli ciyaareedkii hore, maamulka ayaa dib u habeyn ku sameeyay deyntan, taasoo hoos u dhigtay lacagta lagu leeyahay muddada gaaban, waxayna u ogolaatay kooxda in lagu xoojiyo ciyaartoy cusub.