Madaxweynaha Soomaaliya oo ku wajahan Tanzania

War saxaafadeed ka soo baxay madaxtooyada Soomaaliya ayaa lagu sheegay in madaxweyne Xasan Sheekh Maxamuud uu maanta u safri doono magaalada...

War saxaafadeed ka soo baxay madaxtooyada Soomaaliya ayaa lagu sheegay in madaxweyne Xasan Sheekh Maxamuud uu maanta u safri doono magaalada Caruusha ee dalka Tanzania si uu u raadiyo xubinnimada Soomaaliya ee ururka Bariga Afrika ee EAC.

War saxaafadeedka ka soo baxay madaxtooyada ayaa sidoo kale lagu sheegay in dowladda Soomaaliya ay u gudbisay codsiga ku aadan ka mid noqoshada ururka EAC sanadka 2016-ka, lana filayo in laga shaqeeyo oo loo ogolaado in ay ku biirto wadamada kale.

"Dhaqaalaha la isku daray ee EAC sannadkii waxa lagu qiyaasaa in ka badan 300 bilyan oo doolarka Maraykanka ah, iyadoo wadarta guud ee dadka ku nool dalalkan lagu qiyaasay 312 milyan oo qof oo haysta hal baasaboor oo ay ku midaysan yihiin," ayaa lagu yidhi war-saxaafadeedka madaxtooyada.  bayaanka.

Ururkan ayaa dib loo aas aasay sanadkii 2000, isaga oo isu keenay toddobo (7) wadan oo wadaaga suuq ganacsi oo weyn oo muhiim u ah dhaqaalaha gobolka.